|
الدنيا بالمقلوب
السلام عليكم ورحمة الله
بتكلم بللهجة العامية واسالكمممم ما تلاحظون وياي ان الدنيا صارت تمشي بالمقلوب ادري هالملاحظه قديمة بس زادت في هلايام الفقير صار يزيد فقره وبؤسه ما يلاقي حد يعيله او يوقف وياه كل الابواب تتسدد في ويهه , ان بغى وظيفة ما لقى وان بغى يعف نفسه مب محصل حد يرضى به لو كان يملك الخلق والدين . والغني ويش اقول ويش اخلي ما احسدهم انا بس ابا اعرف ليش ؟؟؟ ان مرض سفروه على الحساب ورتبت اموره ميه ميه , وان بغى وظيفة حتى لو مو معاه شهادة دبروله افضلها وان بغى الزواج قصدي لو فكر لانه ما يبي يعكر مزاجه بسوالف فاضيه بيلاقي ولو انه سئ الخلق والدين . طبعا مو الكل لكن هالحقيقه موجوده وبكثره . وان ردينا لحال الشباب هاليومين لقينا المقلوب بكل وضوح يتسلف ويضرب ديون على السفر والترفيه والكماليات والسيارات وان قالوا له اهله فكر بالزواج قال المهر غالي وين انا وين الزواج . والبنات في البيوت قاعدة بانتظار فارس الاحلام الي يمكن يطل وان جاها الي يبي الستر قالت ابي وابي مطالب مالها اول من تالي . وان تزوجت اهملت هالزوج والاطفال وصارت تهتم بالستايل والموضه ولا تعرف باتيكيت الزواج او التزاماته او مسؤلياته الا القليل . بعدني ما انتهيت |
القوي ياكل الضعيف صار واضح جدا والفوضويات في العمل مع تقديم المحسوبية والواسطة الاولوية لمن يملكون الواسطة بهالزمن .
باقي الناس الي مب معروفين هم تحت المجهر يشدد على توظيفهم او تعليمهم او تزويجهم او او او نسيت اتكلم عن الشكل الخارجي للناس صار التركيز الاهم على الشكل الخارجي دون النظر للمضمون والجوهر من جي اصبح المنظار العام هو الهندام والوسامة والجمال والكشخه ونوع السيارة والملبس وغيرها من بهارج الحياة الي ما تدل الا على سطحية التفكير . العلم حاليا مو بكفائة العلم في الماضي كيف ؟ المقياس في الكم لا النوعية والجودة اضافة ان البعض اخذ الشهادات المزورة او السهلة التدريس لكي يتطاول في السلم الوظيفي . الغش التجاري اصبح بارز ومثير للاستغراب لكني اسال ليش وصلت الاوضاع الى هذي الدرجة ؟ للاسف اكبر سبب رئيسي هو نقص الايمان والوازع الديني والضمير صار لا يعمل |
| الساعة الآن 06:05 AM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
تعريب خلان للحلول الرقمية